دلــيــل المــــسلم

دلــيــل المــــسلم

فقلت استغفروا ربكم إنه كان غفاراً يرسل السماء عليكم مدراراً ويمددكم بأموال وبنين ويجعل لكم جنات ويجعل لكم أنهاراً
 
الرئيسيةالبوابهالتسجيلدخول

شاطر
 

 قصيدة أحلى ثورة

اذهب الى الأسفل 
كاتب الموضوعرسالة
هيثم نجيب



عدد المساهمات : 10
نقاط : 30
تاريخ التسجيل : 12/10/2010

قصيدة أحلى ثورة Empty
مُساهمةموضوع: قصيدة أحلى ثورة   قصيدة أحلى ثورة I_icon_minitimeالسبت مارس 05, 2011 8:08 pm

قصيدة أحلى ثوره

والله طلع الصباح,وأنين القلب راح,والثورة بقت اتنين,يلا انشروا الأفراح,سنين واحنا عايشين فى جراح ويا أنين,ودموع القلب تجرى فى عروق الملايين,وبندعى الرب الصبور,يصبر العقول,على أئمة الفساد,ومبتدعى السفور,وفاتت السنين,وقلبنا الحزين مش قادر يبكى أبدا أو يظهر الأنين,كنا عايشين زمان الحق فيه مهان,والظلم رافع راية تدمير الانسان,اللى يعبر بكلمة أو يشكى ظلمه لأهله,علطول يعتقلوه ويبروا منه أهله, وقانون طوارئ سارى زى المجرى الجارى,يدوس اللى فى طريقه ولا عمره أبدا يبالى, والعيشه كانت كرب,والفرحة كانت درب,درب من الخيال تحقيقه آه محال,ومصالح برشوة تمشى,واللى ما يدفع ما تمشى,ووسايط للكبار ,ينداس فيها الصغار,ولو جيت تبكى وتشكى,يقولوا اقرأ القرآن,ولى الأمر مطاع,والشعب من أجله يباع,بس يعيش فى سعادة من غير أى أوجاع,ولو قلنا حكموا عمر,يقولوا دا كان زمان,ودلوقتى زمان,لو عمر عايش بينا راح يضربله السلام,ومرت السنين,وشباب مصر عايشين فى بطاله ويا جوع وممنوع الأنين,والفرحة آه مسلوبة,واللى دموعه تجرى,تبقى روحه مطلوبة,واللى يفكر يشكى أو حتى من حزنه يبكى,ما تطلع عليه الشمس,والكل عليه يبكى,بس فى صمت وخنوع,ولو قلنا الأسعار غاليه,يقولوا دى سنة دايره,غاليه علينا وعليكم, وياريت ادينا طايله,ولو قلنا فيه بطالة,يردوا علينا بشطاره,ويقولوا حددوا النسل, ماهيبقى فيه بطالة,ولو قلنا العشوائيات عيشتهم تدمى الفؤاد,ميتهم متلوثه,وبيوتهم متنكسه, وبناتهم من الغلا أصبحت معنسه,وبيشربوا المجارى,والدولة ولا بتبالى,يقولوا دى مشكله,وحلولها متأسسه,بس ادونا فرصه وهتبقى كويسه,ولو قلنا اللحمه غاليه بقت ب100 جنيه,يقولوا اللحمه ضاره ليه تكلوها ليه,خليكم نباتيين هتعيشوا متهنيين,وفاتت السنين والشعب عايش حزين,وجه اليوم الموعود,يوم أحلى الوعود,25 يناير,من الشهر المعهود,طلع الشباب بثوره,سترنا بيها العوره,وطلبوا رحيل نظام,علشان يحموا الدوله,وفات الكتير, وماباقى الا القليل,فاصبروا يا شباب,بكره هنشفى العليل,دا شمس جبينكم طلعت,وراح تنشر الفرحه.

تأليف:
هيثم نجيب
الرجوع الى أعلى الصفحة اذهب الى الأسفل
 
قصيدة أحلى ثورة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
دلــيــل المــــسلم :: قافـلة الشــعراء :: أبيــات مضيئه-
انتقل الى: