زمان الأمريكان

زمان الأمريكان
قالولى صالح ليك مصالح,قالولى صالح الأمريكان,قالولى انسى أمك وأبوك,وحتى يوم مقتل أخوك على ايد الأمريكان,بقى معقولة دا كلام تفتكر اللى كان من جراح الأمريكان,يا عم صالح وانسى اللى كان من جراح الأمريكان,وافتكر انك كمان عايش زمان من غير كلام يحكموا الأمريكان,يا عم صالح اليهود,وانسى يوم نقض العهود,ومد ايدك بالسلام,سلام صحيح ماطمناش,ولا عمره يوم نفع الناس,لكن عشان خاطر عيونهم يبقى أحلى من الجنان,ايه يعنى قتلولك أبوك,ولا شردوا أخوك,ولا دنسوا المكان,يا عم سامح والسلام,دانت فى زمان الأمريكان,يا عم مد ايدك كمان,واطلب منهم الأمان,صحيح أمان زى الجنان,يدمر كل الجنان,لكن أمان والسلام,ايه يعنى أخدلهم بغداد,ونجسوا نهر الفرات,دول أخدوها عشان السلام,عشان يحرروا الأنام من بطش الظلام,وكل شئ علشان عيونهم يهون لخاطر الأمريكان,يا عم صالح عشان المصالح وشوف مع مين الأمريكان,لو مع اليهود نعظم,لو مع العرب نعظم,ونطلب منهم الأمان,يا عم صالح والسلام,هقعد أعيدلك فى الكلام,واللى عملوا الأمريكان,ايه يعنى هدموا البلاد,ولا جرحولك فؤاد,دالكون دا ليهم من غير كلام,يا عم سامح والسلام,يا عم سامح خليك مسامح دحتى دينك دين سماح,هتقوللى فاكر اللى كان من دمار الأمريكان,هقولك بقى دا كلام دا كلام يجيب جنان,هتقوللى طالبنلك لجام,وعصاه تسوقك كمان,هقولك البس للجام,وامشى مظبوط للأمام ما هيضربوك من غير كلام,هتقوللى فاكر فى الزمان لما وعدونا بسلام ونقضوه بالتمام,هقول سوادك فى القلب بان,ليه بتفكر فى اللى كان,يا عدو السلام,يا عم سامح واطلب حنان,ومد ايدك واطلب أمان,واوعاك تفكر فى اللى كان,دانت عايش أحلى زمان,زمان يحكموا الأمريكان,وبعد ما خلص الكلام ايه رأيكم فى دا كلام,صحيح نسامح والسلام ونعيش عبيد للأمريكان,ولا نرفض دا كلام ونعيش فى عزة من غير كلام.
تأليف:
هيثم نجيب